Pse mungoi Xherdan Shaqiri në ndeshjen Liverpol – Bournemouth?

19:10 | 9 Shkurt 2019
Arbresh Info

Me fillimin e ndeshjes kundër Bournemouthit, te Liverpooli ishte një mungesë e dukshme.

Xherdan Shaqiri nuk ka qenë një startues i rregullt te Liverpooli brenda këtij sezoni, por anësori kosovar ka qenë në super formë dhe ka shënuar gjashtë gola duke krijuar gjithashtu edhe dy asistime në Ligë për skuadrën e tij të re këtë edicion, transmeton portali arbresh.info.

Megjithatë, Shaqiri është lënë plotësisht jashtë skuadrës së “Redsave” për ndeshjen kundër Bournemouthit.

Mësohet se Shaqiri mungoi në këtë takim si pasojë e një tendosje të lehtë abdominale.

Sidoqoftë, pavarësisht mungesës së tij, Liverpooli siguroi një fitore bindëse në Anfield duke fituar me rezultat 3 me 0.

Sadio Mane i dërgoi ata në avantazh në minutën e 24′, Georginio Wijnaldum dyfishoi epërsinë ndërsa pak më vonë edhe Mohamed Salah gjeti rrjetën./arbresh.info/